អនុ​ក្រឹត្យ​ស្តី​ពី​ការ​កែប្រែ​សម្រួល​តារាង​ពន្ធតែ​មប្រើ​សារ​ពើ​ពន្ធ​ | អនុក្រឹត្យ​ស្ដីពី​ការកាត់​ផ្ទៃដី​ទំហំ​សរុប ១១៥,៤១ ហិកតា ចេញ​ពី​ផ្ទៃ​ដី​បុរី​សណ្ឋាគារ​អង្គរ​សៀម​រាប ដើម្បី​ធើ្វ​ប្រទាន​កម្ម​ជា​កម្ម​សិទ្ធិជូន​ប្រ​ជាពល​រដ្ឋ ដែល​បាន​កាន់​កាប់​ប្រើប្រាស់ និង​ដាំ​ដុះ​ជាក់​ស្ដែង​នៅ​ក្រុង​សៀម​រាប ខេត្តសៀមរាប | លោក​ ប៉ែន​ សមទ្ធិ​ និពន្ធនា​យក​កាសែត​រស្មី​កម្ពុជា​ ទទួល​មរណ​ភាព​ | ​អគ្គ​នាយក​ដ្ឋាន​រដ្ឋ​សភា ​ចេញ​សេចក្ដី​ជូន​ដំណឹង ​ ស្ដី​ពីការ​ជ្រើស​រើស​បេក្ខ​ជន​ឈរ​ឈ្មោះ​ជា​សមា​ជិក ​គណៈ​កម្មា​ធិ​ការ​ជាតិ​រៀប​ចំ​ការ​បោះ​ឆ្នោត​ | រដ្ឋ​សភា​ ចេញ​សេច​ក្តី​ប្រកាស​ព័ត៌​មាន​ស្តី​ពី​លទ្ធផល​នៃ​កិច្ច​ប្រជុំ​គណៈ​កម្មាធិការ​អចិន្រ្តៃយ៍​រដ្ឋសភា​ |

ម៉ូតូ​ឌ្រី​ម​សេ ១២៥ បុក​ឌ្រី​ម​សេ ១២៥ ប៉ើង​មនុ​ស្សហោះ​ខ្ទាត ២០ ម៉ែត្រ​ស្លាប់​ម្នាក់​របួសធ្ងន់ ២ នាក់​

feature, សន្តិសុខ សង្គម — By on November 27, 2012 10:25 am

         ​រាជធានី​ភ្នំពេញ ៖ យុវជន​ម្នា​ក់បាន​ដេកស្លាប់​ក្នុង​ថ្លុកឈាម​និង​ប្តី​ប្រពន្ធ​២​នាក់​ទៀត​បាន​រងរបួស​ធ្ងន់​ក្នុង​គ្រោះថ្នាក់​ចរាចរណ៍​មួយ​បង្កឡើង​ដោយ​ម៉ូតូ​ឌ្រី​ម​សេ ១២៥ បាន​បើក​យ៉ាង​លឿន​ហើយ​ព្យាយាម​វ៉ា​ម៉ូតូ​មួយគ្រឿង​នៅ​ពីមុខ​ក៏​ជ្រុល​ចង្កូត​ទៅបុក​ម៉ូតូ​ឌ្រី​ម​សេ ១២៥ ពណ៌​ខ្មៅ​ស៊េរី ២០០៤ មួយគ្រឿង​ទៀត​ដែល​កំពុងធ្វើដំណើរ​បញ្ច្រាស់​ទិស​គ្នា​ចំ​ពីមុខ​យ៉ាង​ពេញទំហឹង​បណ្តាល​ឲ្យ​ម៉ូតូ​ទាំង ២ អូស​ខ្ទាត​ប្រមាណ ២០ ម៉ែត្រ​ធ្វើ​ឲ្យ​មនុ​ស្សទាំង ៣ នាក់​ប៉ើង​ទៅ​បោក​ក្បាល​នឹង​ថ្នល់​ហូរឈាម​ពេញ​ផ្លូវ​បណ្តាល​ឲ្យ​យុវជន​ស្លាប់​ម្នាក់​ភ្លាមៗ​នៅនឹងកន្លែង​កើតហេតុ​។​

         ​ហេតុការណ៍​គ្រោះ​ដ៏​អកុសល​នេះ​បាន​កើតឡើង​កាលពី​វេលា​ម៉ោង ៤ និង ៣៥ នាទី​ល្ងាច​ថ្ងៃ​២៦ ខែ វិច្ឆិកា ឆ្នាំ ២០១២ តាម​បណ្តោយ​ផ្លូវ​ទំនប់​កប់​ស្រូវ ក្នុងភូមិ​ត្រពាំង​រាំង សង្កាត់​ឃ្មួញ ខ​ណ្ខ​សែន​សុខ រាជធានី​ភ្នំពេញ​។ យុវជន​ដែល​ស្លាប់​ភ្លាមៗ បើក​ម៉ូតូ​ឌ្រី​ម​សេ ១២៥ ពណ៌​ខ្មៅ​ស៊េរី ២០១២ ឈ្មោះ ផាត់ សំអាត អាយុ ២៥ ឆ្នាំ​ស្នាក់នៅ​ភូមិ​ព្រែ​កតា​ព្រំ ឃុំ​កំពុង​អុស ស្រុក​ពញាឮ ខេត្តកណ្តាល​។ ចំណែក​ប្តី​ប្រពន្ធ ២ នាក់​ដែល​ជិះ​ម៉ូតូ​ឌ្រី​ម​សេ ១២៥ ពណ៌​ខ្មៅ​ស៊េរី ២០០៤ រងរបួស​ធ្ងន់​នោះ​ប៉ូលិស​មិនទាន់​ស្គាល់​អត្ត​សញ្ញា​នោះទេ​។

         ​តាម​ការ​ឲ្យ​ដឹង​ពី​លោក ស៊ិន សុវណ្ណ នាយរង​ផ្នែក​សណ្តាប់ធ្នាប់​ចរាចរណ៍​ជើងគោក​ខណ្ឌ​សែន​សុខ​បាន​ឲ្យ​ដឹងថា មុនពេល​កើតហេតុ​ម៉ូតូ​ឌ្រី​ម​សេ​១២៥ ពណ៌​ខ្មៅ​ស៊េរី ២០១២ បើកបរ​ដោយ​យុវជន​ម្នាក់​បានធ្វើ​ដំណើរ​យ៉ាង​លឿន តាមផ្លូវ​ទំនប់​កប់​ស្រូវ​ក្នុងទិសដៅ​ពី​លិចទៅ​កើត​ស្រាប់តែ​មកដល់​កន្លែងកើតហេតុ​ខាងលើ ក៏​ព្យាយាម​បើក​វ៉ា​ម៉ូតូ​មួយគ្រឿង​ទៀត​នៅ​ពីមុខ​ទើប​ជ្រុល​ចង្កូត​ទៅបុក​ម៉ូតូ​ឌ្រី​ម​សេ ១២៥ ពណ៌​ខ្មៅ​មួយគ្រឿង​ទៀត​ជិះ ២ នាក់​ប្តី​ប្រពន្ធ​ធ្វើដំណើរ​បញ្ច្រាស់ទិស​គ្នា​ចំ​ពីមុខ​យ៉ាង​ពេញទំហឹង​បណ្តាល​ឲ្យ​ម៉ូតូ​ទាំង ២ គ្រឿង​អូស​ប្រមាណ ២០ ម៉ែត្រ​ធ្វើ​ឲ្យ​យុវជន​ដែល​បើក​ម៉ូតូ​ឌ្រី​ម​សេ ១២៥ ស៊េរី ២០១២ ប៉ើង​ទៅ​បោក​ក្បាល​ទៅនឹង​ថ្នល់​ហូរឈាម​ពេញ​ផ្លូវស្លាប់​ភ្លាមៗ​នៅនឹងកន្លែង​កើតហេតុ​។

         ​ចំណែក ២ នាក់​ប្តី​ប្រពន្ធ​ខាងលើ​រងរបួស​ធ្ងន់​ត្រូវ​រថយន្ត​សាមុយ​ដឹក​យកទៅ​សង្គ្រោះបន្ទាន់​នៅ​គ្លីនិក​ឯកជន​មួយ​។ ក្រោយពេល​កើតហេតុ​ប៉ូលិស​ចរាចរណ៍​បាន​ចុះទៅ​វាស់វែង​ហើយ​យក​ម៉ូតូ​ទាំង ២ គ្រឿង​ទៅ​រក្សាទុក​នៅ​អធិការដ្ឋាន​ខ​ណ្ខ​សែន​សុខ​រង់ចាំ​ការដោះស្រាយ​។ ចំពោះ​សាកសព​យុវជន​ខាងលើ​ត្រូវបាន​ក្រុមគ្រួសារ​ដឹកយក​ទៅធ្វើ​បុណ្យ​តាម​ប្រពៃណី​៕ សុធា

Comments

comments