ភ្នំពេញ ៖ រោងចក្រ ផ​លិតជីធម្មជាតិ មួយដែលគេ​មិនស្គាល់ ស្លាកយីហោ និង ឈ្មោះ​ក្រុមហ៊ុនច្បាស់​លាស់ បាន ​បង្កការ ​ក្ដៅ​ក្រហាយ​ដល់អ្នកស្រុករាប់រយគ្រួសារ​ ដែលរស់នៅជុំវិញរោ​ងចក្រខាង​លើនេះ ព្រោះ​តែក្លិនស្អុយ អាសោច ភាយចេញពេ​ញ ភូមិ ​ប្រជាពលរដ្ឋ​ប្ដឹង​អាជ្ញាធរមូល​ដ្ឋានចុះ​ ទៅតែនាំរហូតដល់ធ្វើកិច្ចសន្យា ២ លើក ឱ្យម្ចាស់រោងចក្រធ្វើការកែសម្រួលលក្ខណៈ បច្ចេកទេសកុំឱ្យធុំក្លិនស្អុយតទៅទៀត តែ ម្ចាស់មិនព្រមគោរពតាម អាជ្ញាធរនិងប្រជា ពលរដ្ឋជិតខាងនោះឡើយ ។

រោងចក្រផលិតជីធម្មជាតិ ខាងលើនេះ មានទីតាំង ស្ថិតនៅតាមបណ្ដោយផ្លូវជាតិ លេខ ៦អា ក្បែរស្ពានទី១១ ក្នុង ភូមិចំបក់ មាស សង្កាត់បាក់ខែង ខណ្ឌឫស្សីកែវ ជាប់ ព្រំប្រទល់ជាមួយខេត្ដកណ្ដាល បានបើកធ្វើ អាជីវកម្មជាង ២ឆ្នាំមកហើយ ហើយក៏បង្ក ក្លិនស្អុយអាសោច រហូតមកធ្វើឱ្យប៉ះពាល់ ដល់អ្នកភូមិរាប់រយ រាប់ពាន់ គ្រួសារ និយាយ រួមឱ្យតែខ្យល់បក់ទៅខាងណា គឺអ្នករស់នៅ ធ្វើដំណើរក្រោមខ្យល់ដឹងតែពីទទួលក្លិន ស្អុយពិបាកទ្រាំ បំផុត ហើយធ្វើឱ្យប៉ះពាល់ ដល់សុខភាព ប្រជាពលរដ្ឋទៀតផង ជា ពិសេស កូនក្មេងតែម្ដង ។

អ្នកភូមិជាច្រើននាក់ បានរាយការណ៍ ប្រាប់ភ្នាក់ងារព័ត៌មានដូចៗគ្នា ខណៈចុះ ទៅយកព័ត៌មានដល់កន្លែង រោងចក្រដែល ប្រជាពលរដ្ឋប្ដឹងនោះបានឱ្យដឹងថា រោង ចក្រនេះមិនដឹងឈ្មោះអ្វី ឬជារបស់ក្រុមហ៊ុន ឈ្មោះអ្វី នោះទេ ព្រោះមិនមានលើក ស្លាកយីហោអ្វីឡើយ គ្រាន់តែគេដឹងថា នៅ លើសំបកបាវមានសរសេរអក្សរថា “ជីធម្មជាតិ”តែប៉ុណ្ណោះ ។

ប្រជាពលរដ្ឋខាងលើ បានបន្ដថា តាំងពី រោងចក្រនេះបើកដំណើរការពេលណា គឺ ជះក្លិនស្អុយពេញភូមិតែម្ដង ជាពិសេសអ្នក រស់នៅក្រោមខ្យល់ គឺក្លិនស្អុយជះ រហូតដល់ ជាងមួយគីឡូម៉ែត្រឯណោះ ។

អ្នកភូមិម្នាក់ទៀត បានអះអាងថា មូល ហេតុដែលរោងចក្រផលិតជីធម្មជាតិនេះជះ ក្លិនស្អុយខ្លាំងបែបនេះ ជា ពិសេស ពេលបញ្ឆេះម៉ាស៊ីនផលិតដោយសារតែ គេ ប្រើវត្ថុ ជាតុដើមអាចម៍គោ អាចម៍មាន់ រួមទាំង គ្រឿងផ្សំមាន ក្លិនស្អុយមួយចំនួនទៀត យក មកផលិតពេលត្រាំ ត្រូវទឹកក្លិនក៏ជះភាយ ចេញពេញភូមិតែម្ដង ធ្វើឱ្យកូន ក្មេង និង ចាស់ៗកើតជំងឺប្រកាំង (ឈឺក្បាល)ព្រោះ តែមិនអាចទ្រាំនឹងក្លិនស្អុយបាន ។

អ្នកភូមិខាងលើបានបន្ដថា កន្លងមក ពួកគាត់ធ្លាប់បានប្ដឹងទៅមេភូមិ និងចៅសង្កាត់ ឱ្យមានវិធានការទប់ស្កាត់ ផង ដែរ តែមិនដែលមានប្រសិទ្ធិភាពនោះទេ ។

ពាក់ព័ន្ធករណីខាងលើនេះ នៅរសៀល ថ្ងៃទី១៥ ខែឧសភា ឆ្នាំ ២០១៣ លោក ឆៃ សូនី ចៅសង្កាត់បាក់ខែង បានថ្លែងប្រាប់ ដើមអម្ពិលតាមទូរស័ព្ទឱ្យដឹងថា រោងចក្រ ផលិតជីធម្មជាតិ នៅភូមិចំបក់មាសខាងលើនេះ ពិតជាជះក្លិនស្អុយធ្វើឱ្យប៉ះពាល់ដល់អ្នក ភូមិប្រាកដមែន សូម្បីតែរូបលោកក៏ទទួល រងនូវក្លិនស្អុយពីរោងចក្រ ខាង លើ នេះដែរ ដោយលោកអះអាងថា ពិតជាស្អុយខ្លាំងមែនទែន ។

លោកចៅសង្កាត់ បានបន្ថែមថា រោង ចក្រខាងលើគេសុំច្បាប់ បើកធ្វើអាជីវកម្ម តាំងពីនៅក្នុងដែនរដ្ឋបាល ខេត្ដ កណ្ដាលមិន ទាន់កាត់មកភ្នំពេញម្ល៉េះ ហើយកន្លងមក ខាងអាជ្ញា ធរសមត្ថកិច្ចរបស់លោកបានចុះ ទៅធ្វើការណែ នាំចំនួន ៤ដង មកហើយ ដោយណែនាំផ្ទាល់មាត់២លើកនិងធ្វើលិខិតលាយលក្ខណ៍អក្សរ២លើក ឱ្យម្ចាស់ រោង ចក្រកែលក្ខណៈបច្ចេកទេសកុំឱ្យជះក្លិនស្អុយ លើអ្នកស្រុកតែគេ (ម្ចាស់រោងចក្រ) មិន គោរពតាមឡើយ ។

ក្នុងនោះលោកចៅសង្កាត់បានសន្យាថា នៅពេលលោកចូលធ្វើការវិញ នឹងធ្វើរបាយ ការណ៍ពីករណីក្លិន ស្អុយនេះ ទៅថ្នាក់លើ ដើម្បីមានវិធានការហើយ មិនទុក អីចឹង តទៅទៀតបានទេ ។ ដោយឡែកភាគីរោងចក្រ ដើមអម្ពិល មិនអាចសុំការបំភ្លឺបាន ឡើយ នៅពេលទូរស័ព្ទទាក់ទងតាមលេខទូរស័ព្ទ ដែលសរសេរដាក់នៅពី មុខរោង ចក្រ សម្រាប់ជ្រើសរើសកម្មករ ពេលទូរស័ព្ទ ចូលមិនមានអ្នកលើកទទួលឡើយ ។

ទោះយ៉ាងណា ប្រជាពលរដ្ឋបានស្នើសុំ ឱ្យអាជ្ញាធរខណ្ឌក៏ដូចខាងមន្ទីរឧស្សាហកម្ម មន្ទីរបរិស្ថាន មេត្ដាជួយចុះ ទៅពិនិត្យមើល ទីតាំងផលិតជីធម្មជាតិជះក្លិនស្អុយ ប៉ះពាល់ ដល់ប្រជាពលរដ្ឋខាងលើនេះផង ព្រោះរដូវបោះឆ្នោត ជិតឈានចូលមកដល់ហើយ ៕

ឆ្មាំអង្គរ​គឺ​ជា​លំហាត់​សមយុទ្ធ​ទ្វេភាគី​ប្រចាំ​ឆ្នាំ ​ដែល​ឧបត្ថម្ភ​ដោយ​កង​កំលាំង​ទ័ព​សហរដ្ឋ​អាមេរិក​ប្រចាំ​នៅ​តំបន់​ប៉ាស៊ីហ្វិក ​ដោយ​កង​យោធពល​ខេមរភូមិន្ទ​ធ្វើ​ជា​ម្ចាស់​ផ្ទះ។​ ឆ្មាំអង្គរ​ឆ្នាំ ​២០១៣ ​គឺ​ជា​លំហាត់​សមយុទ្ធ​ចុង​ក្រោយ ​ក្នុង​ចំណោម​លំហាត់​សមយុទ្ធ​ដែល​មាន​លក្ខណៈ​ស្វិតស្វាញ ​និង​ច្រើន ​វិញ្ញាសារ​បន្ត​បន្ទាប់​គ្នា​ ដែល​មាន​ធ្វើ​ជា​បន្ត ​ដើម្បី​លើក​កំពស់​សន្តិភាព ​និង​សន្តិសុខ​ក្នុង​តំបន់​។ ​លំហាត់​សមយុទ្ធ​នេះ​កត់​សំគាល់​ខួប​លើកទី​ ៤ ​នៃ​លំហាត់​សមយុទ្ធ​ប្រចាំ​តំបន់​ប្រកប​ដោយ​ផ្លែ​ផ្កា ​និង​មាន​អត្ថន័យ​យ៉ាង​សំខាន់​៕

កំពង់ស្ពឺៈ បន្ទាប់ពីការជួយសង្រ្គោះយ៉ាងញាប់ដៃ ញាប់ជើងពីកម្លាំងសមត្ថកិច្ច និងអាជ្ញាធរចម្រុះក្នុងខេត្តកំពង់ស្ពឺ រហូតដល់វេលាម៉ោង ៩ និង៣២នាទីព្រឹកថ្ងៃទី១៥ ខែឧសភា សមត្ថកិច្ចបានរកឃើញសពកម្មករ២នាក់ ស្រីម្នាក់ និងប្រុសម្នាក់ រួមជាមួយអ្នករងរបួសធ្ងន់ស្រាល ៦នាក់ នៅក្នុងគំនរប្លង់សេអគាររោងចក្រ «វីងស្តាស៊ូ» ដែលបានបាក់កាលពីព្រឹកមិញនោះ។ នេះបើយោងតាមអភិបាលខេត្តកំពង់ស្ពឺ លោក អ៊ូ សំអួន ដែលកំពុងនៅកន្លែងកើតហេតុ។

បើតាមលោកឧត្តមសេនីយ៍ ម៉ែន ស៊ីប៊ន មេបញ្ជាការកងរាជអាវុធហត្ថខេត្តកំពង់ស្ពឺ បានបញ្ជាក់ដែរថា កម្លាំងសមត្ថកិច្ចកំពុងបន្តជួយរុករកកម្មករ កម្មការិនីរងគ្រោះបន្ថែមទៀត ហើយក៏មិនទាន់ដឹងថា ជនរងគ្រោះមានប៉ុន្មាននាក់នោះទេ។

នាព្រឹកព្រលឹមថ្ងៃទី១៦ ខែឧសភា ឆ្នាំ២០១៣នេះ ហេតុការណ៍ដ៏ភ្ញាក់ផ្អើលមួយបានកើតឡើង បន្ទាប់ពីបាក់ប្លង់ សេរអគាររោងចក្រស្បែកជើង «វីងស្តាស៊ូ» ស្ថិតតាមបណ្តោយផ្លូវជាតិលេខ៣ នៅគីឡូម៉ែត្រលេខ៤៩ ក្នុងស្រុក គងពិសី ខេត្តកំពង់ស្ពឺ។

បើតាមអធិការនគរបាលស្រុកគងពិសី លោក ខែម ប៉ាន់ណារ៉ា បានប្រាប់មជ្ឈមណ្ឌលព័ត៌មានតាមទូរស័ព្ទថា មានករណីបាក់ដំបូលប្លង់សេអគាររោងចក្រ សង្កត់លើកម្មករជារាប់រយនាក់ ដែលកំពុងបំពេញការងារក្នុង រោងចក្រស្បែកជើង «ស្តាវីងស៊ូ»។ តែជាជំហានដំបូងនេះ លោកមិនទាន់ដឹងថា មានកម្មករស្លាប់ និងរបួសប៉ុន្មាន នាក់នោះទេ ពោលកម្លាំងសមត្ថកិច្ចចម្រុះ ព្រមទាំងមន្ត្រីអាជ្ញាធរក្នុងមូលដ្ឋានកំពុងជ្រោមជ្រែងជួយសង្រ្គោះក្រុម កម្មកររងគ្រោះ។

លោកបានបន្តថា ក្រុមកម្មករជាច្រើននាក់ កំពុងតែជ្រួលច្របល់ពេញរោងចក្រ ដែលជាហេតុបង្កផលលំបាកដល់ សមត្ថកិច្ច ជួយសង្រ្គោះខ្លាំងណាស់។ ជំហានដំបូងកម្លាំងសមត្ថកិច្ច បានរកឃើញកម្មករម្នាក់រងរបួសធ្ងន់មិនទាន់ ដឹងលទ្ធផលយ៉ាងណានៅឡើយទេ។

ពាក់ព័ន្ធនឹងការបាក់ប្លង់សេនេះ មិនទាន់មានប្រភពបញ្ជាក់ពីមូលហេតុនៅឡើយទេ។

សូមបញ្ជាក់ថា កាលពីចុងខែមេសាកន្លងទៅនេះ នៅឯប្រទេសបង់ក្លាដេស បានមានហេតុការណ៍រលំអគាររោង ចក្រកម្ពស់៨ជាន់ បណ្តាលឲ្យកម្មកររាប់ពាន់នាក់ បានស្លាប់និងរងរបួស។ បន្ទាប់ពីហេតុការណ៍នោះ ក្រុមកម្មករ និងប្រជាពលរដ្ឋបង់ក្លាដេស បានធ្វើបាតុកម្មទាមទារឲ្យត្រួតពិនិត្យគុណភាពសំណង ក៏ដូចជាទាមទារឲ្យដាក់ ទោសទណ្ឌយ៉ាងធ្ងន់ធ្ងរដល់ប្រធានរងចក្រនោះផងដែរ៕