សាលាដំបូងរាជធា​​នីភ្នំពេញ បើកសវនាកា​រសមាជិកចលនា​រណសិ​រ្សរំដោះជាតិ​ខ្មែរ ​ចំនួន១០នាក់​​ | មនុស្ស ០៨នាក់ បាន​ស្លាប់​ និង​​ ១៧នាក់ រង​របួស​ធ្ងន់-ស្រាល ក្នុង​គ្រោះ​ថ្នាក់​ចរា​ចរណ៍​​ថ្ងៃ​ទី២៤ ខែតុលា​ ឆ្នាំ២​០១៤​ | សា​លា​រាជ​ធានី​ភ្នំ​ពេញ​៖ ការ​ជិះ​រថ​យន្ត​ក្រុង​សា​ធារណៈ​ គឺ​ជា​ផ្នែក​សំ​ខាន់​មួយ​ ក្នុង​ការ​ដោះ​ស្រាយ​ការ​កក​ស្ទះ​ចរា​ចរណ៍​ | ក្រសួង​អប់​រំ​​ យុវជន​​ និង​ ​កីឡា ​ផ្តល់​​អាហា​រូប​ករណ៍​​សម្រាប់​​និស្សិត​​ ៩៤០០ នាក់​ ​​សិក្សា​​នៅ​​បរ​ទេស​ | ​រន្ទះបាញ់មួយ ​​គោ​ងាប់​១២​ក្បាល​នៅ​ស្រុក​ច​ន្ទ្រា​​ |

រក​ឃើញ​​ថ្នាំ​​ព្យា​បាល​​ជំងឺ​របេង​២​សប្តាហ៍​ជា​​ដាច់​​

feature, សុខភាព — By on November 27, 2012 8:15 am

ភ្នំពេញ៖ ​យោងតាម AFP បាន​ឲ្យ​ដឹងថា ថ្មីៗ​នេះ អ្នកស្រាវជ្រាវ​បានបង្ហាញ​ក្នុង​សន្និសីទ​អេដស៍ អន្តរជាតិ (International AIDS Conference) នៅ​ទីក្រុង​វ៉ាស៊ីនតោន អំពី​ថ្នាំ​ល្បាយ​មួយ​ប្រភេទ ដែល​អាច​សម្លាប់ ៩៩% នៃ​បាក់តេរី​ជំងឺរបេង ក្នុង​រយៈពេល ២​សប្តាហ៍ ហើយ​វា​ក៏ អាច​ត្រូវ​គ្នា​

ជាមួយ​ថ្នាំ​អេដស៍ ផងដែរ​។​
​  យោងតាម​លោក​មេ​ល ស្ពី​ហ្គេ​មែន (Mel Spigelman) ដែល​បាន​ប្រធាន​នៃ​សម្ព័ន្ធ​សកល សម្រាប់​ការអភិវឌ្ឍន៍​ព្យាបាល​ជំងឺរបេង (Global Alliance forTB Drug Development) បាន​និយាយថា “​ការរួម​ផ្សំ​ក្នុង គ្រាប់​តែមួយ​ថ្មី​នេះ អាច​សម្លាប់​បាក់តេរី​របេង បាន​៩៩% ក្នុង​កំហាក​របស់​អ្នកជំងឺ​ក្នុង រយៈពេល តែ​២​សប្តាហ៍​នៃ​ការចាប់ផ្តើម​លេបថ្នាំ​”​។​
​    លោក​ស្ពី​ហ្គេ​មែន និង​ក្រុម​ស្រាវជ្រាវ​បាន​និយាយថា ពួកគេ​មាន​ជំនឿ​ចិត្ត​ថា ការសិក្សា​បន្ថែម នឹង​អាច​បញ្ជាក់​នូវ​លទ្ធផល​នេះ ដែល​អាច​ជំរុញ​ឱ្យ​បង្កើត​ការរួមបញ្ចូល​ថ្នាំ​ចំនួន​៣​ក្នុង គ្រាប់​តែមួយ​ហៅថា PaMz (​ប៉ា​អឹម​ហ្ស៊ិ​ត​)​។​
​  ក្នុងការ​ធ្វើតេស្ត​លើកដំបូង ចំពោះ​អ្នកជំងឺ ៨៥​នាក់ បាន​បង្ហាញថា ថ្នាំ​នេះ អាចជួយ​ព្យាបាល​មនុស្ស​ដែល មាន​ជំងឺរបេង​ធម្មតា និង មនុស្ស​ដែល ស៊ាំ​ថ្នាំ​របេង​មុនៗ (MDR) ក្នុង​រយៈពេល ៤​ខែ​។ ថ្នាំ​ព្យាបាល​ថ្មី​នេះ អាចជួយ​បន្ថយ​ការព្យាបាល អ្នកជំងឺ​២​ឆ្នាំ ឬ​ច្រើន ជាង​នេះ និង​មានតម្លៃ​ថោក​ជាង ថ្នាំ​ព្យាបាល​បច្ចុប្បន្ន​ដល់​ទៅ​៩០%​។ ថ្នាំ PaMz  ថ្មី​នេះ អាចជួយ​កាត់បន្ថយ​ចំនួន​ថ្នាំ​ដែល​អ្នក​ជំងឺរបេង ត្រូវ​លេប​ពី​១២,៦០០ មក​ត្រឹម​៣៦០​គ្រាប់ និង បំបាត់​នូវ​តម្រូវ​ការចាក់​ថ្នាំ​ផងដែរ​។​
​   មនុស្ស​ប្រមាណ​៩ លាន​នាក់ ឆ្លង​ជំងឺរបេង រៀងរាល់ឆ្នាំ ហើយ​មនុស្ស​១.៤​លាន​នាក់ បាត់បង់​ជីវិត​។ ជំងឺរបេង ក៏​ជា​ឃាតករ​នាំមុខ​នៃ មនុស្ស ដែលមាន​ជំងឺអេដស៍​ផងដែរ​។ ការព្យាបាល​បច្ចុប្បន្ន ត្រូវការ​រយៈពេល​៦​ខែ សម្រាប់​អ្នកជំងឺ​របេង​ធម្មតា និង​៣០​ខែ សម្រាប់ អ្នក​ដែល​មានការ​ស៊ាំ​ថ្នាំ​របេង ហើយ​មាន​ករណីខ្លះ គឺ​មិនអាច​ព្យាបាល​បាន​ទៀត ផង​។​
    ​ថ្នាំ PaMz រួមមាន​ផ្សំ​ព្យាបាល​របេង PA-824 ថ្នាំ​អង់​ទី​ប៊ី​យូ​ទិ​ក ម៉ា​ស៊ី​ហ្វូ​ហ្សា​ស៊ីន (Moxifloxacin) ដែល​ពុំទាន់​ទទួល​ការអនុញ្ញាត សម្រាប់​ការព្យាបាល​របេង និង​ថ្នាំ​ព្យាបាល របេង ភី​រ៉ា​ហ្ស៊ី​ណា​មី​ដ (Pyrazinamide) ដែល​ទាំង​៣​ប្រភេទ​នេះ អ្នកជំងឺ នៅ​មិនទាន់ មាន​ភាពស៊ាំ​ថ្នាំ​ទាំងនេះ​នៅឡើយ​។​
​   ថ្នាំ PaMz  នឹងត្រូវ​ធ្វើតេស្ត​ក្នុងដំណាកកាល​ទី​៣ លើ​អ្នកជំងឺ​២៣០​នាក់ នៅ​អាហ្វ្រិក​ខាងត្បូង តង់​ហ្សា​នី និង​ប្រេ​ស៊ី​ល រយៈពេល ២​ខែ​ដែល​អ្នកស្រាវជ្រាវ​សង្ឃឹមថា អាច​ចាប់ ផ្តើម​នៅ​ឆ្នាំក្រោយ ប៉ុន្តែ បច្ចុប្បន្នកំពុង​ខ្វះខាត​ថវិកា​។ ហើយ​ប្រសិន ហើយ​ការធ្វើ​តេស្ត ប្រព្រឹត្តិ​ទៅតាម​ផែនការ​នោះ ថ្នាំ PaMz  នឹង​អាច​អនុញ្ញាត​ឱ្យប្រើ​បាន ក្នុង​រយៈពេល ៤-៥​ឆ្នាំ​ទៀត​៕

Comments

comments