សម្តេច​តេជោ​ ជ្រើសរើសបទ “សារ៉ាវ៉ាន់” ប្រពៃណីខ្មែរ​សម្រាប់រាំកំសាន្ត​

ភ្នំពេញ​៖​ ហ្វេសប៊ុក​ផេក​សម្តេច​អគ្គមហាសេនាបតី​តេជោ ​ហ៊ុន​ សែន​ នាយករដ្ឋមន្ត្រី ​នៃ​ព្រះរាជាណាចក្រ​កម្ពុជា​ នៅ​ព្រឹក​ថ្ងៃ​ទី​២៩​ ខែ​មីនា​ នេះ​ សរសេរ​ថា​ កាលពីម្សិលមិញ ក្រោយពីជួបសំណេះសំណាលជាមួយកូនក្មួយកម្មករ ១៤,៦៩៤នាក់ ព្រមទាំងបានផ្តល់ថវិកាឧបត្ថម្ភដល់កូនៗមានផ្ទៃពោះ ៤២៥នាក់រួចហើយ ខ្ញុំបានមកចូលរួមរាំកំសាន្តជាមួយជាមួយបងប្អូនកូនក្មួយកម្មករយ៉ាងសប្បាយរីករាយ។ ប្រទេសជាតិយើងមានសុខសន្តិភាព គឺពលរដ្ឋមានការងារធ្វើកាន់ តែច្រើន និងមានឱកាសប្រារព្ឋពិធីបុណ្យប្រពៃណីជាតិ និងអន្តរជាតិកាន់តែអធិកអធមសប្បាយរីករាយគ្រប់ទីកន្លែងដោយគ្មានការភ័យព្រួយ។

ឆ្នាំថ្មីនេះគឺយើងនឹងជ្រើសរើសបទ “សារ៉ាវ៉ាន់” ប្រពៃណីខ្មែរសម្រាប់រាំកំសាន្ត។ ខ្ញុំនិងភរិយានឹងទៅចូលរួមសង្រ្កាន្តនៅសៀមរាបអង្គរ។ សូមអញ្ជើញបងប្អូនទៅចូលរួមកំសាន្តសប្បាយអោយបានច្រើនកុះករទាំងអស់គ្នា។

នៅថ្ងៃស្អែកនេះ ខ្ញុំនឹងទៅចូលរួមកិច្ចប្រជុំកំពូលមហាអនុតំបន់មេគង្គលើកទី ៦(GMS) និងកិច្ចប្រជុំកំពូលកម្ពុជា-ឡាវ-វៀតណាម លើកទី១០ ស្តីពីសហប្រតិបត្តិការអភិវឌ្ឍន៍តំបន់ត្រីកោណ (CLA-DTA) នៅប្រទេសវៀតណាម។

សូមជូនពរបងប្អូនជនរួមជាតិជួបតែសេចក្តីសុខ និងសំណាងល្អនៅក្នុងឆ្នាំថ្មីនេះគ្រប់ៗគ្នាកុំបីខាន៕

អត្ថបទដែលជាប់ទាក់ទង